Radio Fiji ONE

0 Follower 1015 Views

Due to the latest updates, you can no longer listen to this radio with your browser. Please click the icon below to continue listening with the supporting player!

Na Voqa Ni Vei Yanuyanu

Na Domoiviti duadua ga edau rogoci kina na i tukutuku kei na sere makawa eso era katoni ka maroroi tu ena noda valeniwalesi. E maroroya ka vakamareqeta na vosa vaka-Viti, na i tovo kei na i vakarau vakavanua vakakina na veivakauqeti me da kila ka kauwai talega ena nodra i tovo na veimata tamata eda sa bula veimaliwai tu e Viti. Na siteseni oqo na Radio Fiji One – na Domoiviti, e nona tiko ena gauna oqo na konitaraki ni kakaburaki vaka-Viti, na Public Service Broadcast, ka tokoni mai na matanitu. Na i naki levu ni veitokoni oqo, sa i koya na kena saumi me rawa ni dau rogoci e Viti, Rotuma/Rabe na veiporokaramu eso ena maroroya na noda vosa, i tovo kei na i vakarau vakavanua eda kilai tani kina. E rua na porokaramu sa dede talega ena noda valeniwalesi, sa i koya na gauna ni vuli ena walesi, e vakarautaki mai na Minisitiri ni Vuli ni noda vanua kei na Lotu Kaburaki edau rogoci ena vosa vaka-Peritania ena 10am ena Sigatabu kei na vosa vaka-Viti ena 6:45pm ena yakavi talega ni Sigatabu. Sa vica na porokaramu vou era sa vakacurumi mai ka nuitaki ni rawa ni na vukei keda ena noda bula ni veisiga, bula ni vuvale ka vakauasivi na tarai cake ni bula ni noda vanua. Na Domonivanua – 7-8pm ena Moniti kina Vakaraubuka, Na vakekeli ena veisiga moniti mai na 2-3pm ena yakavi, na veitalanoa kei ira na veitabana ni matanitu mai na 1-2pm ena sigalevu kei na vuqa tale ka qai muria tu na veisere e rogoci duaduaga ena Radio Fiji One – na Domoiviti. Sa vakanuinui tu na Radio Fiji One – na Domoiviti, me sa na rawa ni vakadewataki ena mona livaliva oqo, eso na porokaramu taleitaki eso, me rawa ni ko ni vakaivotavota talega ena maqosa ni nodra taledi na vakailesilesi era sa tomana tikoga na cakacaka ni buli porokaramu kei na maroroi ni keda i tukutuku ena noda valeniwalesi.